လမ်းဟောင်းမှခွဲထွက်သူများ (ဓာတ်ပုံအက်ဆေး)

  • ရေးသားသူ - အောင်ငြိမ်းချမ်း
  • 25/05/2018

ဘိုကလေးကားလမ်းဘေးတွင် တည်ရှိသည့် မျိုးသန့်မျိုးစပါးထုတ်လုပ်ရာ လယ်ကွင်းထဲမှ တောင်သူလယ်သမားတစ်ဦး (ဓာတ်ပုံများ - အောင်ငြိမ်းချမ်း/Myanmar Now)

Share

ဘိုကလေး — စပါး ဈေးကောင်းရရန် တောင်သူတို့ လုပ်ဆောင်ရမည့် အချက်များထဲတွင် စိုက်နည်းစနစ် တိုးမြှင့်ရေးလည်း ပါဝင်သည်။

မိရိုးဖလာနည်းလမ်းဟောင်းများအနက် အချို့ကို ပြောင်းလဲပစ်မှ အထွက်တိုးမည်ကို စိုက်ပျိုးရေးသမား တချို့က သဘောပေါက်လာကြသည်။  ဧရာဝတီတိုင်းဒေသကြီး၊ ဘိုကလေးမြို့မှ လယ်သမား အများပြားသည်လည်း မျိုးကောင်းမျိုးသန့်၊ စိုက်နည်းစနစ် ပြုပြင်ပြောင်းလဲရေးတို့နှင့် အသားကျလာပြီဖြစ်သည်။ 


 ကြဲပက်စနစ်စွန့်လွှတ်ပြီး ပင်တန်းခြားနည်းလမ်းအသုံးပြုသည့် လယ်ကွင်းတစ်ခုကို ဘိုကလေးတွင် တွေ့ရပုံ။ ဘိုကလေးတွင် ပင်ခြားတန်းခြားစိုက်နည်းကို လက်ခံလာသူ အများအပြား ရှိလာသည်။


 ခြေဗလာဖြင့် လယ်ယာလုပ်ငန်းခွင်ဝင်လာသူတချို့


 တောင်သူအများအပြားသည် နေရောင်အောက် လယ်ကွင်းပြင်အတွင်း အပူဒဏ်ကို ပိုမိုခံနိုင်ရည်ရှိရန် သနပ်ခါးလိမ်း၊ ခမောက်ဆောင်းထားကြသည်


 ရိတ်သိမ်းပြီးနောက် ခြွေလှေ့သည့် နေရာသို့ သယ်ဆောင်ရန် ပြင်ဆင်နေသော တောင်သူတစ်ဦး။ ယခုအခါ မျိုးစပါးကို သီးသန့်စုဆောင်းလာကြသည်။ ယခင်ကမူ မိမိလယ်ကွက်အတွင်းမှ မျိုးအတွက်သင့်လျော်မည်ဟု ယူဆရသည့် နေရာတစ်ခုမှ ရိတ်သိမ်းယူပြီး ပြန်လည် အသုံးပြုကြခြင်း ဖြစ်သည်။


 မျိုးသန့်မျိုးစပါးထုတ်လုပ်သည့် လယ်ကွင်းအတွင်း ခြွေလှေ့စက်မှ ထွက်လာသော စပါးကို စစ်ဆေးကြည့်ရှုနေသော တောင်သူတစ်ဦး


  မျိုးစပါးကို အိတ်သွပ် သိမ်းဆည်းထားသည့် သိုလှောင်ရုံကို ပြသနေသည့် ဦးဝင်းဌေး။  ထိုအဆောက်အအုံကို ကူညီရေးအဖွဲ့များ၏ထောက်ပံ့မှုဖြင့် တည်ဆောက်ထားခြင်း ဖြစ်ပြီး  ထိုဌာန အဖွဲ့အစည်းများက စိတ်ဝင်စားသည့် တောင်သူတို့နှင့်  ပူးပေါင်း ဆောင်ရွက်လျက်ရှိသည်။


  စပါးအိတ်များအနီး တွေ့ရသော ဆန်စက်မန်နေဂျာတစ်ဦး။ ဈေးကွက်တွင် စပါးဈေးကောင်းရပါက  တောင်သူတို့ ဝမ်းသာကြမည်ဖြစ်သည်။ သို့သော်လည်း ဈေးကောင်းရခြင်းမှာ အရည်အသွေးကောင်းခြင်းနှင့်လည်း တိုက်ရိုက် ဆက်စပ်နေသည်။


 မြစ်ဘေးရှိ စက်ရုံတွင် ကြိတ်ခွဲပြီးနောက် ထွက်ပေါ်လာသောဆန်ကို သယ်ယူပြီး သင်္ဘောဝမ်းဗိုက်အတွင်း ပို့ဆောင်နေကြသော အလုပ်သမားတချို့။  မြစ်ဝကျွန်းပေါ်ဒေသ ဖြစ်သောကြောင့် ရေလမ်းကို များစွာ အားပြုနေရပြီး စပါးအိတ်၊ ဆန်အိတ် သယ်ယူ ပို့ဆောင်ရွာတွင် လှေ၊ သင်္ဘောများကို ပိုမို အသုံးပြုကြကြောင်း တွေ့ရသည်။


 
 သင်္ဘောဝမ်းဗိုက်အတွင်း ဆန်အိတ် ထည့်သွင်း နေရာချရာတွင် လူအားကိုသာ အဓိက အသုံးပြုကြဆဲဖြစ်သည်

နောက်ဆုံးရဓာတ်ပုံများ

ဘလော့ဂ်ပို့စ်များ

တွစ်တာတွင် မျှဝေခြင်း