မိမိတို့အကြောင်း နှင့် လုပ်ငန်းအဖွဲ့

Myanmar Now သည် လွတ်လပ်သည့် သတင်းဌာနတစ်ခုဖြစ်ပြီး လွတ်လပ်၊ တိကျပြီး ဘက်လိုက်မှုမရှိသော သတင်းများကို မြန်မာ၊ အင်္ဂလိပ်ဘာသာတို့ဖြင့် မြန်မာပြည်သူများအတွက် ဖော်ပြပေးလျှက်ရှိသည်။

Myanmar Now ၏ ၀က်ဘ်ဆိုက်တွင်လည်း မြန်မာနိုင်ငံမှ ဂျာနယ်လစ်များအတွက် အခမဲ့ လေ့ကျင့်ပေးမှုနှင့် လုပ်ငန်းကျွမ်းကျင်မှုရှိလာစေမည့် အကြောင်းအရာများကို ထည့်သွင်းပေးထား သည်။

မြန်မာနိုင်ငံသားများနှင့် မီဒီယာလောကအတွက် ရွေးကောက်ပွဲမတိုင်မီနှင့် ရွေးကောက်ပွဲပြီးနောက် ယုံကြည်အားထားလောက်သည့် အချက်အလက်များကို ရယူ ဖတ်ရှု နိုင်စေရန် Myanmar Now အား ထူထောင်ထားခြင်းဖြစ်သည်။

Myanmar Now အား ပံ့ပိုးကူညီထားသည့် အဖွဲ့အစည်းမှာ Thomson Reuters Foundation ဖြစ်ပြီး မြန်မာနိုင်ငံအတွင်းမှ မီဒီယာများအတွက် ကူညီပံ့ပိုးပေးရေးအစီအစဉ်များအနက်မှ တစ်ခုဖြစ်သည်။

သင်းလဲ့ဝင်း

သတင်းထောက်ချုပ်

သင်းလဲ့ဝင်းသည် မြန်မာနိုင်ငံတွင် မွေးဖွား ကြီးပြင်းခဲ့ပြီး ၂ဝဝ၈ ခုနှစ်မှစတင်ကာ Thomson Reuters Foundation တွင် အလုပ်လုပ်ကိုင်လျက်ရှိသည်။ ထိုင်းနိုင်ငံ ဘန်ကောက်မြို့တွင် အခြေပြုကာ သဘာဝဘေးအန္တရာယ်၊ စစ်ပွဲ၊ ရာသီဥတုပြောင်းလဲမှု၊ အမျိုးသမီးအခွင့်အရေး၊ ဒုက္ခသည်နှင့်ရွှေပြောင်း ဖယ်ရှားခံရသူများ၊ စသည့် အကြောင်းအရာတို့နှင့် ပတ်သက်သည့် အရှေ့တောင်အာရှနှင့် အရှေ့အာရှ ဒေသရှိ လူသားချင်း စာနာ ထောက်ထားမှုဆိုင်ရာ သတင်းများ ရေးသားခဲ့သည်။ စင်ကာပူနိုင်ငံတွင် ၂ဝဝဝ ပြည့်နှစ်က စီးပွားရေးစီမံခန့်ခွဲမှုဆိုင်ရာဘွဲ့ နောက်ဆုံးနှစ်တွင် သတင်းဌာနတစ်ခုသို့ လက်တွေ့သွားရောက် သင်ယူလုပ်ကိုင်ခဲ့ချိန်မှစ၍ စာနယ်ဇင်းလောကကို စိတ်ဝင်စားသွားပြီး စီးပွားရေးနယ်ပယ်ကို စွန့်ခွာကာ သတင်းသမား တစ်ဦးအဖြစ် ရပ်တည်လိုက်သည်။ သင်းလဲ့ဝင်းသည် ၂ဝ၁၅ ခုနှစ်တွင် Myanmar Now သတင်းဌာနကို စတင် ထူထောင်ကာ သတင်းထောက်ချုပ်တာဝန်ကိုလည်း ထမ်းဆောင်လျက်ရှိသည်။

ဆွေဝင်း

အကြီးတန်း သတင်းထောက်

ရန်ကုန်မြို့တွင် မွေးဖွားခဲ့သူတစ်ဦးဖြစ်သည့် ဆွေဝင်းသည် စာရေးသားခြင်းနှင့် ဂျာနယ် လစ်တစ်ဦးဘဝကို နှစ်သက်ခုံမင်သူ တစ်ဦးဖြစ်သည်။ သတင်းစာတစ်စောင်အား ကိုယ်ပိုင်ထုတ်ဝေရန် သူ့ရည်မှန်းချက် အကောင်အထည်မပေါ်သေးသော်လည်း ၂ဝဝ၇ ခုနှစ်မှစတင်၍ ဂျာနယ်လစ်တစ်ဦး အဖြစ် အတွေ့အကြုံများကို ရရှိထားသည်။ ရန်ကုန်အခြေစိုက် ပြည်တွင်း စာနယ်ဇင်းများတွင် သတင်းများကို စတင်ရေးသားခဲ့ပြီးနောက် ဧရာဝတီမဂ္ဂဇင်းတွင် အကြီးတန်းသတင်းထောက်တစ်ဦး ဖြစ်လာခဲ့သည်။ လွန်ခဲ့သောနှစ်အနည်းငယ်မှ စတင်၍ နယူးယောက်တိုင်းမ်နှင့် အယ်ဂျားဇီးယားကဲ့သို့ နိုင်ငံတကာသတင်းစာများနှင့် သတင်းအေဂျင်စီများအတွက် ပြင်ပမှစာမူများ ပေးပို့ခဲ့ရာတွင် မြန်မာနိုင်ငံအတွင်း အဖြစ်အပျက် ပြဿနာများအား နိုင်ငံတကာ စာဖတ် ပရိတ်သတ်များ ဖတ်ရှုနိုင်စေရန် အခြားဂျာနယ်လစ်များနှင့် တင်ဆက်ပုံမတူသော သတင်းများကို ရေးသားပေးပို့ခဲ့သည်။ ဆွေဝင်းသည် ...

ဇာနည်ဝင်း

အယ်ဒီတာ

ဇာနည်ဝင်းသည် ဧရာဝတီဝက်ဘ်ဆိုက်၊ မြန်မာဘာသာဌာန၏ ဂျာနယ်လစ် တစ်ဦးအဖြစ် ၂ဝဝဝ ပြည့်နှစ်တွင် စတင်ဝင်ရောက်လုပ်ကိုင်ခဲ့ပြီးနောက် တည်းဖြတ်အယ်ဒီတာ တစ်ဦးဖြစ်လာခဲ့သည်။ မိုးမခအွန်လိုင်းမီဒီယာတွင် အယ်ဒီတာတစ်ဦးအဖြစ်လည်း လုပ်ကိုင်ခဲ့သည်။ အရည်အသွေးကောင်းမွန်သည့် ပတ္တမြားနှင့် နီလာတို့ ထွက်ရှိမှုကြောင့် ထင်ရှားသည့် မိုးကုတ်မြို့တွင် ကိုဇာနည်ဝင်းအား မွေးဖွားခဲ့သည်။ ငယ်စဉ်ဘဝ ရည်မှန်းချက်သည် ဒရမ်မာတစ်ဦးသို့ မဟုတ် ဘောလုံးသမားတစ်ဦးဖြစ်ချင်ခဲ့သော်လည်း ဇာနည်ဝင်းသည် ကိုယ်တိုင် ဂျာနယ်လစ် တစ်ဦးအဖြစ်လည်းကောင်း၊ မီဒီယာသင်တန်းများ ပို့ချခြင်းတို့ကိုလည်းကောင်း လုပ်ဆောင် လျက်ရှိသည်။ ဇာနည်ဝင်းသည် အုပ်ချုပ်မှုအဖွဲ့အစည်းများ၊ သဘာဝပတ်ဝန်းကျင်ရေးရာများအပေါ် လေ့လာစုံစမ်းရေးသားနေသည့် မြန်မာဂျာနယ်လစ်များအား အကြံပေးမှုများ လုပ်ဆောင်လျက်ရှိသည်။

ထက်ခေါင်လင်း

အကြီးတန်းသတင်းထောက်

ထက်ခေါင်လင်း ဝင်ရောက်လုပ်ကိုင်ခဲ့သည့် သတင်းဌာနများတွင် Messenger Journal၊ Myanmar Post၊ ဧရာဝတီမဂ္ဂဇင်းတို့ ပါဝင်သည်။ ထက်ခေါင်လင်းသည် စီးပွားရေးသတင်းအဓိကထားသည့် Ecovision ဂျာနယ်တွင် သတင်းထောက်အလုပ်ကို စတင်လုပ်ကိုင်ခဲ့ပြီး အတွေ့အကြုံနှင့် အရည်အချင်းများ ရရှိလာခဲ့သည်။ မြန်မာနိုင်ငံတွင်း ဖြစ်ပေါ်နေသည့် နိုင်ငံရေး၊ စီးပွားရေးနှင့် သဘာဝပတ်ဝန်းကျင်ဆိုင် ရာ သတင်းများကို ရေးသားခဲ့သည်။ သူရေးသားခဲ့သည့် ရန်ကုန်မြောက်ပိုင်းဒေသတစ်ခုတွင် ဖြစ်ပွားခဲ့သောလူသားများ နှင့် ဆင်ရိုင်းများအကြား ပဋိပက္ခသတင်းဆောင်းပါးသည် မြန်မာနိုင်ငံဆိုင်ရာ ဗြိတိသျှသံရုံးနှင့် သဘာဝပတ်ဝန်း ကျင်အဖွဲ့ TRAFFIC တို့ ပြုလုပ်သည့် ပြိုင်ပွဲတွင် ပထမဆု ရရှိခဲ့သည်။

အိချယ်ရီအောင်

သတင်းထောက်

မြဝတီနေ့စဉ်သတင်းစာနှင့် Tomorrow ဂျာနယ်တို့တွင် စာနယ်ဇင်း အတွေ့အကြုံ သုံးနှစ်ရပြီးနောက် အိချယ်ရီအောင်သည် Myanmar Now သို့ သတင်းထောက်တစ်ဦးအဖြစ် ရောက်ရှိလာသည်။ ငယ်စဉ်က အိချယ်ရီအောင်၏ အိပ်မက်မှာ ရှေ့နေတစ်ဦးအဖြစ် အသက်မွေးဝမ်းကျောင်းရေး ဖြစ်သည်။

ဖြိုးသီဟချို

သတင်းထောက်

ဖြိုးသီဟချိုသည် ၂ဝ၁ဝ ရွေးကောက်ပွဲအလွန်ကာလတွင် လူထုပုံရိပ် အပတ်စဉ်ထုတ်သတင်းဂျာနယ်၏ သတင်းထောက်တစ်ဦး ဖြစ်လာသည်။ မြန်မာ့ခေတ်ဂျာနယ်၊ The Earth ဂျာနယ်၊ အင်ပါယာသတင်းစာတို့တွင် လုပ်ကိုင်ခဲ့ပြီး ၂၀၁၃ တွင် Super Kids ကလေးဂျာနယ်ကို ကိုယ်တိုင်ဦးစီးထုတ်ဝေခဲ့သည်။ ၂၀၁၄ နှစ်ကုန်ပိုင်းတွင် အွန်လိုင်းမီဒီယာ Yangon Globe တွင် သတင်းထောက်တစ်ဦးအဖြစ် လုပ်ကိုင်ခဲ့သည်။ ၂၀၀၇ ရွှေဝါရောင်တော်လှန်ရေး၊ ၂ဝဝ၈ နာဂစ်မုန်တိုင်း နောက်ဆက်တွဲအခြေအနေများကို ကြုံတွေ့ခဲ့ပြီးနောက်ပိုင်း တေးရေးဆရာဖြစ်လိုသည့် သူ၏ ငယ်ဘဝအိပ်မက်များ ရပ်နားသွားသည်။ နာဂစ်အလွန်တွင် Myanmar Realize Organization ၏ စေတနာ့ဝန်ထမ်းတစ်ဦး ဖြစ်လာသည်။ မြန်မာနိုင်ငံ၏ သမိုင်းဝင်အဆောက်အဦတစ်ခုဖြစ်သည့် ရန်ကုန်တက္ကသိုလ်တည်ရှိရာ ကမာရွတ်မြို့နယ်၊ လှည်းတန်းရပ်တွင်မွေးဖွားခဲ့သူ ဖြိုးသီဟချိုသည် ယခုအခါ လူ့အခွင့်အရေး၊ နိုင်ငံရေး၊ စီးပွားရေးဆိုင်ရာ သတင်းများ ...

Paul Vrieze

စာတည်း

Paul Vrieze သည် ၂ဝဝ၈ ခုနှစ်က ကမ္ဘောဒီးယားနိုင်ငံ The Cambodia Daily သတင်းစာတွင် သတင်း နှင့် ဆောင်းပါးများ နေ့စဉ် ရေးသားရာမှ အာရှတိုက်၏စာနယ်ဇင်းလောကသို့ ရောက်ရှိလာသည်။ ၂ဝ၁၂ တွင် ထိုင်းနိုင်ငံအခြေစိုက် The Irrawaddy သတင်းဌာနသို့ ပြောင်းရွှေ့ခဲ့သည်။ ဒတ်ခ်ျလူမျိုး သတင်းသမား Paul သည် နိုင်ငံတကာ သတင်းစာစောင်များဖြစ်သော Global Post, Asia Times Online, Nikkei Asian Review, IRIN, DPA တို့တွင်လည်း ရေးသားခဲ့သူဖြစ်သည်။ လူ့အခွင့်အရေး၊ သဘာဝပတ်ဝန်းကျင်၊ ပဋိပက္ခ၊ နိုင်ငံရေး၊ စီးပွားရေး အကြောင်းအရာများကို အထူးပြု ရေးသားလျက်ရှိသည်။

အောင်ခင်

ဘာသာပြန်

ရန်ကုန်ဇာတိ အောင်ခင်သည် Eleven Media Group တွင် ဘာသာပြန်သူ၊ သတင်းထောက် ဖြစ်လာသည့် ၂ဝဝ၆ ခုနှစ် စတင်၍ မီဒီယာလောကသို့ ရောက်ရှိလာ သည်။ မဇ္ဈိမမီဒီယာတွင် နိုင်ငံတကာ အွန်လိုင်းသတင်းအယ်ဒီတာ၊ Mizzima မဂ္ဂဇင်း အယ်ဒီတာအဖွဲ့ဝင်၊ မီဒီယာ လေ့လာ အကဲဖြတ်သူ အဖြစ်လည်း လုပ်ကိုင်ခဲ့သည်။ စာတည်းကောင်းတစ်ယောက်ဖြစ်လာရန် ရည်ရွယ်ချက်ရှိသည့် အောင်ခင်သည် အင်္ဂလိပ်ဘာသာဖြင့် ရေးသားရခြင်းကို နှစ်သက်သူ ဖြစ်သည်။

မေသက်နှင်း

ရုံးမန်နေဂျာ

မေသက်နှင်းသည် ပျိုးပင်အဖွဲ့၏ Yangon Media Initiatives, Yangon Journalism School, Internews Myanmar စသည့် ရန်ကုန်မှ မီဒီယာသင်တန်းပေးသည့် အဖွဲ့များ တွင် စီမံခန့်ခွဲရေးတာဝန်များ ထမ်းဆောင်ခဲ့သည်။ ဆောက်လုပ်ရေး အင်ဂျင်နီယာ ဖြစ်ချင်ခဲ့သူ မေသက်နှင်းသည် ယခုအခါ စာရင်းကိုင် ဘာသာရပ်ကို လေ့လာလျက်ရှိသည်။

နောက်ဆုံးရဓာတ်ပုံများ

ဘလော့ဂ်ပို့စ်များ

အသက်ဝင်လာတဲ့ ရန်ကုန်ည


ဈေးကွက်ထဲက ပြန်ကြော်ဆီ၊ ရောနှောဆီ


တွစ်တာတွင် မျှဝေခြင်း